Drita shpëton një pikë nëpërmjet penalltisë

Gjilan – Në javën e 20 në stadiumin e qytetit në Gjilan, në praninë e rreth 1.500 shikuesve Drita e Llapi kanë ndarë pikët duke përfunduar ndeshjen me rezultat 1-1. Me atë se çka u tregua gjatë 90 minutave, dy skuadrat duhet të jenë të kënaqur me ndarjen e pikëve.

Në një fushë tejet të vështirë që ju shkaktoi problem dy skuadrave, mysafirët arritën të parët në epërsi, Valmir Veliu pas një kundërsulmi të shpejtë me mjeshtri mposht portierin Faton Malokun 0-1.

Drita arrinë të barazon në minutën e 77-të, nëpërmjet Ardian Cuculit nga penalltia,ndërsa më herët Selmani bën ndërhyrje të palejuar në Krasniqin, me rishikimin e VAR-it, arbitri tregon pikën e bardhë.

Trajneri i Dritës, Ardian Nuhiu, pas 90 minutave ka deklaruar “Llapi luajti mençur duke u mbrojtur, më pëlqeu karakteri i futbollistëve të mijë që me çdo kusht dëshironin golin por mos të harrojmë edhe Llapi i kishte rastet e saja”.

Ndërsa homologu i Nuhiut Tahir Batatina ka theksuar “Penalltia ishte e lehte, ashtu siç jemi përgatitur ashtu luajtëm këtë ndeshje, besoj se do të vazhdojmë me lojëra të mira ndërsa barazimi është i kënaqshëm për dy skuadrat”.

Drita pas 20 javëve ka tubuar 38 pikë, ndërsa Llapi me 33 sosh./rajonipress/