Drita shpëton një pikë në minutat shtesë
Skuadra e Dritës me mund të madh ka arritur ta nxjerr një pikë në minutat shtesë në ballafaqim me Drenicën në stadiumin e qytetit në Gjilan, duke ndarë pikët me rezultat 2-2.
Futbollistët e Dritës mjaft mirë e filluan ndeshjen, në minutën e 8-të, Liridon Leci me kokë gjuan por godet shtyllën.
Në minutën e 12-të, pas tollovisë së krijuar futbollisti i Drenicës, Andrews shënon duke sjell skuadrën e tij në epërsi 1-0.
Dy minuta para përfundimit të pjesës së parë, Andrews pasi shmang Gërbeshin shënon për 2-0.
Në minutën e 72-të, Xhevdet Shabani pas harkimit nga këndi me kokë shënon Betim Haxhimusa për rezultatin 2-1.
Rast të mirë shënimi kishte kapiteni Limani i cili nga afërsia gjuan mbi portë.
Në minutën e 81-të, sulmuesi i Dritës Nwabueze shënon me kokë por arbitri Fatmir Tahiri sinjalizon në qendër por arbitri anësor Preniqi sinjalizon ndërhyrje të palejuar në portierin Ymeri, duke e anuluar golin e rregullt të Dritës.
Kur të gjithë në stadium menduan se fitorja do ti takon Drenicës, në minutat shtesë në atë 95-të, mbrojtësi Islami bën ndërhyrje të palejuar në Krasniqin dhe arbitri Tahiri akordon penalti.
Goditjen më të rënd në futboll e ekzekuton Gërbeshi portjeri Ymeri mbron por aty gjendet Leci i cili barazon në 2-2.
Trajneri i Drenicës, Tahir Lushtaku, pas ndeshjes ka ngritur akuza në ndarjen e drejtësisë.
“Jam i kënaqur me pjesën e parë ndërsa me atë të dytën jo, arbitri Fatmir Tahiri ka qenë i një anshëm, penalltia ka qenë diskutabile por këta janë arbitrat e Përparim Hasanit e Agim Ademit”.
Ndërsa trajneri i Dritës, Ardian Nuhiu, ka theksuar
” Futbollistët kanë treguar karakter, u rikthyem pas disavantazhit e kemi merituar së paku një pikë, por ne gjerë në fund të kampionatit do të luftojmë për çdo ndeshje”.
Në javën e 28-të, Drita do të pres në shtëpi Trepcën89./rajonipress/