Drita shpëtoi nga humbja në sekondat e fundit të ndeshjes

Futbollistët e Dritës në javën e VI-të, nuk kanë arritur të marrin më tepër se një pikë në ballafaqim me Trepçën’89 nga Mitrovica, duke i ndarë pikët me rezultat 1-1.

Minatorët nga Mitrovica gjatë 90 minutave shfaqën lojë të mirë duke mos i dhënë hapësirë futbollistëve të Dritës të rrezikojnë portën e tyre.

Futbollistët e Dritës në këtë ndeshje nuk arritën asnjëherë të krijojnë rast shënimi në portën e portierit Hyseni të mysafireve.

Futbollistët e Trepçës’89 golin e epërsisë e arrin në minutën 27-të, së pari Leart Emini lanson një projektil nga 30 metra portieri Tofilofski kap topin por i shpëton nga duart e nga afërsia me kokë Arb Manaj gjenë rrjetën e Dritës.

Futbollistët “bardh e kaltër” të Dritës me lojë konfuze dhe pa raste shënimi nuk rrezikuan portën mysafire.

Fortunato në minutën e 79 e 84 tenton nga gjysmë rastet por gjuajtjet e tij përfundonin mbi portën mysafire.

Fortunato çka nuk bëri gjatë 90 minutave në minutat shtesë në atë 95-të, pasi kalon dy futbollist mysafirë arrin ta mposht Hysenin e Trepces’89 për të shpëtuar një pikë tejet të vlefshme.

Trajneri i Dritës, Ardian Nuhiu, pas ndeshjes ka deklaruar.
“Një ndeshje shumë e vështirë, portieri ynë edhe njëherë gaboi por edhe këto gabime do ta eliminojmë, ndërsa futbollistët e mi edhe njëherë treguan karakter dhe forcë duke mos u dorëzuar në asnjë moment”.

Kurse trajneri Shpëtim Idrizi i Trepcës’89 ka theksuar.
“Një ndeshje shumë e vështirë, futbollistët e mijë treguan lojë të mirë ndaj një kundërshtari të fort siç është Drita, është hera e dytë në këtë kampionat që pësojmë në sekondat e fundit kjo nuk është e drejt”.

Në javë e VII-të, zhvillohet derbi i javës ku Drita është mysafire e rivalit të saj Gjilanit./rajonipress/

Shpërndaje.
© RAJONIPRESS