Drita “shkatërron” Feronikelin, me 7 gola për të marrë kreun e tabelës

Futbollistët e Dritës kanë shënuar fitoren më të thellë në këtë kampionat në Superligën e Kosovës, duke shënuar shtatë herë në portën e Feronikelit. “Bardhekaltertit” stinorin pranveror e filluan në stadiumin “Sami Kelmendi” në Lipjan për shkak se stadiumi i qytetit të Gjilanit nuk i ka plotësuar kushtet që të zhvillohet kjo ndeshje për shkak gjendjes së vështirë në fushë.

Mesfushori Hamdi Namani ka shënuar hat-trick, në pjesën e parë duke shënuar tri herë në portën e Feronikelit. Namani ka arritë të shënon golin e tij të parë në minutën e 4 të ndeshjes, ndërsa qendërsulmuesi Simonovski shënon në minutën e 21 por goli anulohet për shkak pozitës jashtë loje.

Në minutën e 29-të, Namani me kokë shënon golin e tij të dytë ndërsa në minutën e fundit të pjesës së pare, Namani kompleton hat-trick-in e tij për ta vulosur këtë ndeshje qysh në pjesën e pare.

Në minutën e 53-të, Simonovski nga afërsia shton epërsinë në 4-0, ishte njëherit goli i 8 i tij në Superligën e Kosovës.

Në minutën e 73-të Armend Muja pas dy asistimeve gjenë golin e pestë për skuadrën e tij, i cili shënon nga 18 metra. Në minutën e 80-të rezervisti Kryeziu pas dy tentimeve arrinë ta mposht portierin Bujqinca duke ngrit epërsinë në 6-0.

Në minutën e 86-të, rezervisti Tahiri nga afërsia me mjeshtri shënon për 7-0. Në javën e 20-të, Drita është nikoqire e Llapit në Gjilan.

Me 37 pikë Drita merr kreun e tabelës së klasifikimit./rajonipress/