Drita shënon fitore për t`i ikur barazhit
Gjilan – Në derbin e javës së 28 të Vala Superligës së Kosovës në futboll, dy skuadrat Drita dhe Ferizaj skuadra të cilat po luftojnë për t`i ikur barazhit, kanë zhvilluar një ndeshje të fort ndërsa më e suksesshme ka dal Drita e cila e ka mposhtur skuadrën udhëtuese me rezultat 2-1.
Ndeshja e sotme ka mundur të përfundon me fatalitet pasi një shikues i moshës 13 vjeçare, duke e përcjellur ndeshjen jashtë stadiumit në shkollën e cila është duke u ndërtuar bie nga kati i dytë duke marrur lëndime të mëdha, menjëherë ka intervenuar Shërbimi Policor dhe me ndihmë të shpejt është dërguar në Spitalin Rajonal të Gjilanit.
Rëndësia e madhe e pikëve ka bërë që gjyqtari i sotëm Gramos Shala nga Peja të ndanë 8 kartonë të verdhë.
Mysafirët kanë mundur shumë lehtë në minutën e 9 të kalojnë në epërsi, Sadiku i mysafireve gjuan nga 16 metra, por portieri i Dritës, Betim Halimi shpëton portën e tij.
Golin e epërsisë vendasit e shënojnë në minutën e 42, pas harkimit nga këndi në tollovinë e krijuar më së miri gjendet Denis Haliti i cili nga 12 metra anash shënon për 1-0.
Mysafirët arrijnë të barazojnë në minutën e 60, së pari Enis Kuka kalon një mbrojtës të Dritës gjuan nga 10 metra Halimi mbron shkurtazi dëbon topin gjerë të futbollisti Maqedon, Millan Ristovski i cili nuk e patë vështirë nga 5 metra të barazon në 1-1.
Gëzim i madh në shkallët e stadiumit të qytetit vjen në minutën e 65, pas një harkimi të thellë Përparim Livoreka nga një pozitë e vështirë arrin të gjen vijën fatale të portierit mysafir Leotrim Rexhepit, për t`i siguruar skuadrës së tij tri pikë të vlefshme.
Trajneri i Ferizajit pas ndeshjes deklaroi.:”Skuadra jonë nuk luajti siç ishim marrë vesh, pësuam nga gabimet tona Drita fitoi me meritë, por gjyqtarët e sotëm ishin skandaloz”.
Milaim Zuzaku trajneri i Dritës theksoi: “Është një fitore shumë e vlefshme e skuadrës sime, ne do të vazhdojmë nuk do të dorëzohemi ishte një lojë e fort, por ne kryem detyrat tona dhe morëm tri pikë”.
Skuadrën e Dritës në javën e 29-të, e pret një ndeshje shumë e vështirë ku do të udhëton në Prizren për tu takuar me Lirinë./sylejman ismajli/rajonipress/