Drita ruan lidershipin në Superligë mposht Flamurtarin

Gjilan – Në javën e 25 të Superligës së Kosovës në futboll në praninë e 1,500 shikuesve, Drita shkëlqeu duke e mposhtur Flamurtarin e Prishtinës me rezultat 3-1.

Ashtu siç është pritur Drita shënoi fitore jo edhe të lehtë ndaj “kuq e zinjëve” të Flamurtarit njeherit ishte kjo fitorja e parë në këtë kampionat ndaj kësaj skuadre, pasiqë dy ndeshjet e kaluara Drita kishte barazuar.

Drita me këtë fitore ka arritur ta ruaj kreun e tabelës me 47 pikë e përcjellur nga Prishtina me tri pikë më pak.

Golin e epërsisë “bardh e kaltërtit” e Dritës e arritën qysh në minutën e 2-të, pas tollovisë së krijuar para portës së Flamurtarit më së miri gjendet mesfushori, Bujar Shabani, i cili nuk e pati vështirë ta gjejë rrjetën e portierit mysafir, Besnik Shehut të Flamurtarit.

Mysafirët gjithçka që mundën të bëjnë ishte minuta e 54-të, kur Shqipton Ademi me kokë barazon në 1-1.

Aduti kryesor i Dritës dhe njëri ndër futbollistët më të mirë në Superligë, Xhevdet Shabani në minutën e 73 me mjeshtri harkon nga 40 metra e më kokë i posa inkuadruari në lojë Haxhi Neziraj me kokë së pari godet horizontalen e më pas topi gjen rrugën në rrjetën e portierit Besnik Shehut, duke sjell Dritën në epërsi në 2-1.

Golin e nokautit futbollistët e Dritës e shënojnë në minutën e 82-të, Liridon Leci harkon nga e majta e me kokë nga 11 metra Xhevdet Shabani me mjeshtri shënon gol të bukur njeherit ishte ky goli i 10 nga 25 javët e zhvilluara të Shabanit.

Pas ndeshjes Bekim Isufi deklaroi.
“Skuadra e Flamurtarit në dy ndeshjet të cilat jemi përball na kanë sjell shumë kokëçarje, u relaksuam shumë pasi shënuam gol shumë herët por kjo në të ardhmen nuk guxon të na ndodhë. Flamurtari luajti pa ngarkesë ndërsa ne e kishim fitoren imperiativ u largova nga loja nga gjyqtari Batalli, dola pak nga vetja por edhe këto gjëra ndodhin”.

Drita ende nuk ka pësuar humbje nga 21 ndeshjet e fundit në Superligë. Në javën e 26 Drita është udhëtuese e Besës në Pejë./rajonipress/