Drita rreshton fitoret në stilin e kampionit

Skuadra e Dritës me golin e Endrit Krasniqit ka arritur fitoren e pestë me radhë, duke e mposhtur Flamurtarin në fushën e saj në”Xhemajl Ibishi” të Prishtinës, me rezultat minimal 0-1.

Ishte kjo “hakmarrja” e Dritës, pasiqë “kuq e zinjët” e Flamurtarit kishin mposhtur Dritën në javën e dytë në Gjilan me rezultat 1-3.

Për “bardh e kaltërtit” e Dritës njëherit ishte fitorja e pestë me radhë duke u ngritur ne pjesën e epërme të tabelës me 22 pikë.

Golin e vetëm në këtë ballafaqim e shënoi Endrit Krasniqi në minutën e 25, së pari si gjithmonë Xhevdët Shabani depërton nga e djathta pason gjerë te Krasniqi, e ky i fundit nuk e pati të vështirë nga 4 metra ta mposht portierin vendas Shehun, i cili në fund del të jetë goli vendimtar i kësaj ndeshje.

Tek mysafirët rastin më të mirë për të barazuar e kishte Alban Shillova në minutën e 38, por golin ja mohon portjeri i Dritës, Leutrim Rexhepi, i cili shpëton gol të sigurt.

Gjerë në fund të ndeshjes asnjëra skuadër nuk rrezikuan seriozisht në portat kundërshtare.

Trajneri i Dritës, Shpëtim Duro pas ndeshjes ka deklaruar.
” Skuadra tregoi disiplinë gjatë gjithë ndeshjes, ishte një ndeshje shumë e fortë dhe jam i kënaqur me këtë fitore, shpresojmë të vazhdojmë me këtë ritëm”.

Në javën e 14, Drita është nikoqire e Lirisë së Prizrenit./rajonipress/