Drita prezanton tri përforcime në hendboll

Gjilan – Klubi i hendbollit Drita, pas marrjes nën drejtimin e dy kryetarëve të rinjë, Valon Murseli e Flamur Bunjaku, është në gjah të përforcimit me hendbollist kualitativ.

Ashtu siç kishte paralajmëruar ish-kryetari i mëhershëm, Luan Sllamniku, se “bardhë e kaltërve” shumë shpejt do ti bashkohen disa hendbollist ashtu edhe ndodhi.

Sot në ambientet e klubit janë prezantuar tre hendbollist, Vaglir Buqinca portier nga Vushtria Fidan Cimili mbrojtës nga Trepça dhe Salih Maxhera pivot nga Trepça e Mitrovicës.

Për portierin nga Vushtria, Vaglir Buqinca është hera e dytë që do të vesh fanellën e Dritës, pasiqë më herët ishte pjesë e saj.

Buqinca për “rajonipress”, ka theksuar.
“Kam qenë edhe më herët pjesë e Dritë dhe kam kaluar shumë mirë, tani është një frymë e re në klub me njerëz të rinjë dhe aspirata të reja, arsyeja që jam tani pjesë e Dritës janë kushtet më të mira dhe synimi i klubit drejt garave evropiane, shpresoj që së bashku me bashkëlojtarët e mijë do të arrijmë të japim më të mirën për sukseset e Dritës e cila ka një traditë mjaft të madhe në hendbollin e Kosovës”.

Siç bëjnë të ditur burimet e sigurta brenda klubit shumë shpejt pritet t`i bashkohet, Labinot Gubetini nga Vushtria, Deniz Terziqi ndërsa një rikthim në klub e kanë bërë Melos Shahini e trajneri Erhan Shahini të cilët më herët ishin pjesë e Dritës./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).