Drita pëson humbje nga Liria

Kampionia e Kosovës, Drita nga tri ndeshjet e zhvilluara në kampionatin e ri ka pësuar humbjen e dytë. Kësaj radhe “bardh e kaltërit” u mposhtën nga Liria e Prizrenit.

Edhe njëherë u dëshmua si në ndeshjen e kaluar, se futbollistët e Dritës nuk po arrijnë të shënojnë nga rastet qindpërqindta për gol.

Futbollisti më i mirë në radhët e Dritës, Xhevdet Shabani në minutën e 28-të, pasi kalon dy futbollist kundërshtar nga 15 metra gjenë këndin e epërm të portierit të Lirisë, Hodaj, duke sjell epërsinë e skuadrës së tij në 1-0.

Pesë minuta pa përfunduar pjesa e parë Gashi me mjeshtri nga 30 metra, gjenë rrjetën e Leutrim Rexhepit të Dritës, i cili sot nuk ishte në elementin e tij për të barazuar 1-1.

Në minutën e 52-të, Xh.Shabani nga 30 metra asiston gjerë te Haxhi Neziraj i cili nuk e pati të vështirë ta sjell skuadrën e tij në epërsi në 2-1.

Liridon Fetahaj në minutën e 62-të, nga 40 metra gjuan bukur ndërsa portjeri Rexhepi i Dritës bën gabim trashanik duke e parabolluar topi i cili gjenë rrjetën 2-2.

Pesë minuta më vonë, Fetahaj edhe njëherë del në skenë duke e mposhtur Rexhepin e Dritës 3-2.

Njeherit ishte goli që siguronte tri pikë të vlefshme futbollistëve të Lirisë.

Trajneri Bekim Isufi pas ndeshjes deklaroi.:”Është mëkat të humbësh ndeshjen në këtë mënyrë, dy herë udhëhoqëm nuk i konkretizuam rastet qindëpërqinda dhe normal humbja është e pa evituar, shpresoj se në ndeshjet e ardhshme gabime të tilla nuk do të ndodhin më”.

Ndeshjen e radhës futbollistët e Dritës e zhvillojnë në Gjilan ku do të takohen me Llapin./rajonipress/