Drita për pak sa nuk koritet me Hajvalin

Gjilan – Në javën e 31- të Vala Superligës së Kosovës, skuadra e Dritës me një lojë të plogësht arriti ta mposht Hajvalin, e çregjistruar me rezultat 2-0.

Ndeshja e kësaj jave u zhvillua pa praninë e shikuesve, pasi Komisioni i Garave në FFK ka dënuar klubin e Dritës me një ndeshje pa praninë e shikuesve, pas incidentin të ndodhur në Prizren javën e kaluar.

Në fillim të ndeshjes është mbajtur një minutë heshtje për tifozin e Dritës, Kosumi, i cili para disa ditëve pati ndërruar jetë.

Pjesa e parë u përmbyll me rezultat të bardh 0-0, dy skuadrat patën nga një rast të mirë shënimi.

Së pari Përparim Livoreka i Dritës gjuan nga 16 metra, por portieri i Hajvalisë, Armend Miftari dëbon topin jashtë vijës fundore.

Shtatë minuta më vonë në minutën e 32-të, Aid Zeqiri i vetmuar nga 12 metra nuk arrin ta mposhtë portierin e Dritës, Betim Halimin.

Në minutën e 59-të, pas harkimit të Gashit më së miri gjendet Samir Zeneli, i cili me kokë nga 10 metra nuk gjen rrjetën e skuadrës mysafire.
Një minutë më vonë mysafirët lëshojnë rast të qind përqind, por Pajaziti dështon nga 8 metra.

Kapiteni i Dritës, Arbnor Ramadani, gjuan në minutën e 58-të nga 16 metra, portieri mbron shkurtazi topi dëbohet deri te Zeneli i cili nuk e pati të vështirë nga 8 metra të shënon për 1-0.

Ramadani sot i disponueshëm për lojë në minutën e 73-t,ë pason një top gjerë te Gashi i cili nga 13 metra gjen këndin e poshtëm të Hajvalisë për të vulosur rezultatin në 2-0.

Trajneri i Dritë, Milaim Zuzaku, në ndeshjen e sotme nuk ka paraqitur dy futbollistët më të mirë të Dritës, Leutrim Kryeziun i cili ishte pjesë e grumbullimit në Përfaqësuesen e Kosovës U19 dhe Nderim Nexhipin pasi në fund javë do të zhvillon ndeshjen me rivalin lokal Gjilanin si mysafire./sylejman ismajli/rajonipress/