Drita për herë të dytë fiton kupën e FVK
RajoniPress
19:23, 25 Nëntor, 2016
Gjilan – Volejbollistet e Dritës nuk kanë të ndalur, përpos që janë shpallur kampione vjeshtore me vetëm një set të humbur ato me mjaft sukses u paraqitën në kupën të cilën e organizon Federata e Volejbollit të Kosovës.
Vashat e Dritës edhe njëherë dëshmuan se në volejbollin e Kosovës janë të pa konkurrenca ato në finale me lehtësi mposhtën skuadrën e Kastriotit të Ferizajit me rezultat (3-0) në seta (25-14), (25-17) dhe (25-18).
Volejbollistet e Dritës në asnjë moment nuk rrezikuan fitoren e tyre të prira nga Adelajda Ilazi, Leka, Richardson, Jaha e Hyseni funksionoi gjithçka siç është më së miri, gjatë tri setave me bllokada, servime e kërcime deklasuan kundërshtaret nga Ferizaji.
Trajneri i Dritës Lorik Ilazi pas finales deklaroi: “Është hera e dytë që fitojmë këtë kupë, ne po vazhdojmë ritmin e sukseseve me këto suksese, skuadra edhe më tepër po rritet dhe po fiton cilësi”./rajonipress/
Palestra – “Bashkim Selishta” -Petriti
Shikues – rreth 500
Drita – Ilazi, Richardson, Asani, Dushica, Syla, Jaha, Kadriu, Leka, Mehmeti, Ortega, Berisha, Hyseni, Latifi, Shabani
Kastrioti- Ibrahimi, Mustafa, Thaqi, Mehmeti, Ramadani, Mahmuti, Grainca, Jashari Sylejmani, Idrizi, Raqi, Miftari.
