Drita pas Evropës fillon me fitore në futbollin vendor

Sot u zhvillua java e katërt e Superligës së Kosovës në futboll, por për futbollistët e Dritës ishte kjo java e parë pas rikthimit nga garat evropiane.

Futbollistët e Dritës në stadiumin e qytetit në Gjilan kanë mposhtur Besën e Pejës me rezultat 3-1, duke marrë tri pikët e para të edicionit 2020/21.

Futbollistët e Dritës në minutën e 11-të, realizojnë në portën mysafire, Alidema asiston tek Rexha duke sjell skuadrën e tij në epërsi në 1-0.

Në minutën e 23-të, Festim Alidema godet pingulen e portierit mysafir Visar Haxhijaj.

Rast tejet ideal kishte Kastriot Rexha në minutën e 35-të, ku i pa penguar dështon për ta dërguar topin në rrjetën kundërshtare.

Në fund të pjesës së parë mysafirët arrijnë ta barazojnë rezultatin në 1-1, Gentrit Salihu pas një gjuajtje fantastike mposht portierin e Dritës Faton Malokun.

Në minutën e 78-të, Astrit Fazliu harkon bukur duke gjetur mesfushorin Hamdi Namanin i cili nuk e pati të vështirë ta mposht portierin Haxhijaj për rezultatin 2-1.

Goli i qetësisë së kësaj përballje arrinë në minutën e 80-të, Blakqori asiston duke gjetur Rexhën për të vendosur ndeshjen në 3-1./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).