Drita nuk shijon fitoren edhe pas xhiros së 11-të

Gjilan – Në derbin e javës së 12-të të Vala Superligës së Kosovës dy skuadrat e fundit në tabelën e klasifikimit Drita dhe Trepça ndajnë pikët me rezultat të barabartë 2-2.

Ndeshja e sotme u zhvillua me vonesë prej 40-të minutash pasi mysafirët nga Mitrovica gjatë rrugëtimit të tyre për në Gjilan kanë pasur defekte në mjetin e tyre transportues.

Futbollistët e Dritës fitoren e vetme që kanë arritur ishte pikërisht në javën e parë kur kishin mposhtur Trepçën në Mitrovicë dhe me të drejt është pritur që në ndeshjen e sotme të shënojnë fitoren e parë para shikuesve të sajë por kjo nuk ndodhi.

Në minutën e 25 mesfushori i Dritës Petrit Osmani shënon një gol të jashtëzakonshëm pasi pranon topin nga 30 metra gjuan duke gjetur në rrjetën në këndin e djathtë të portierit mysafir Enis Manxhollit.

Për pos golit të futbollistëve të Dritës në pjesën e parë nuk u krijua asnjë rast shënimi.

Në pjesën e dytë futbollistët e Dritës për pak sa nuk shënojnë golin e dytë Osmani godet edhe njëherë nga 30-të metra, por kësaj radhe mysafirët i shpëton shtylla pingule e majtë e portierit Manxholli.

Futbollistët mysafir arrijnë të barazojnë në minutën e 68 së pari kapiteni mysafir Emin Baliqi gjuan nga 7-8 metra portieri Latifi mbron shkurtazi duke dëbuar topin gjerë te futbollisti mysafir 18-të vjeçar Ardian Muja i cili nuk e patë vështirë nga afërsia të gjejë rrjetën e Latifit i cili sot nuk ishte i sigurt.

Futbollistët e Dritës tre minuta më vonë pikërisht në minutën e 71 futbollisti zëvendësues Bergim Maliqi pas tollovisë së krijuar më së miri gjendet para portës mysafire dhe nga 7-8 metra shënon duke sjellë skuadrën e tij në epërsi në 2-1.

Mysafirët 10-të minuta para përfundimit të ndeshjes pikërisht në minutën e 80 -të pas goditjes së dënimit nga 30 metra zëvendësuesi Ervin Kurta në prekjen e tij të parë me top gjuan godet topi devijohet nga barrikada e futbollistëve të Dritës dhe gjenë rrjetën e portierit të Dritës Artan Latifi.

Pas ndeshjes trajneri i xehetarëve të Trepcës Fidaim haxhiu deklaroi. “Së pari patëm probleme me transport ndeshjen filluam menjëherë pa u përgatitur lirisht mund të them se e kemi merituar fitoren edhe pse morëm një pikë zhvilluam një lojë të dobët golat i morëm nga gabimet tona Dritës i urojë suksese në vazhdim”. /rajonipress/

Trajneri i Dritës Ismet Munishi pas ndeshjes nuk u deklarua ai në mënyrë demonstrative braktisi stadiumin e qytetit

Ndërsa shikuesit nga shkallët e stadiumit mysafireve i duartrokitën për lojën e zhvilluar.

Stadiumi i qytetit në Gjilan
Shikues: 1500
Arbitra: Shala, Peshteri, Qehaja, Mustafa
Kartona të verdhë – Kutllovci, Sahiti(T)

Drita- Latifi, Kuka, Fortunato(Rexhepi), Mavriqi(Maliqi), Berisha, Haliti, Dragusha, Tusuni, Ramdani(Ajdari), Osmani, Kryeziu
Trepça- Manxholli, Voca, Shabani, Berisha, Kutllovci, Prishtina(Ahmeti), Avdyli(Kurta), Rama(Hyseni), Baliqi, Muja, Sahiti.