Drita nuk pati forcë të mposhtë Besën

Gjilan – Në javën e fundit të Vala Superligës së Kosovës në futboll ku njëherit bie perdja e stinorit vjeshtor Drita në ballafaqim me Besën e Pejës ndanë pikët me rezultat 1-1.

Me gjithë përpjekjet e “bardhe e kaltërve” të Dritës për gjatë 90-të minutave nuk arritën më tepër se njëherë ta mposhtin portierin mysafir të Besës Granit Kolshin.

Futbollistët e Besës ishin ata të parët që rrezikuan Fatih Karahoda në minutën e 21 për pak sa nuk befasoi portierin Latifi por për fat topi shkon mbi portën e tij.

Në minutën e 30-të trajnerin e Dritës Ismet Munishi nga loja e largon gjyqtari kryesor nga Prishtina Besfort Kosumi pasi Munishi kundërshtoi një vendim të gjyqtarit anësor Edmond Zeqirit nga Podujeva.

Golin e epërsisë mysafirët e arritën në minutën e 41-të kur mesfushori mysafir Duart Miftari merr një top nga 38 metra me shpejtësi vërsulet drejt portës së Latifit i cili i vetmuar nga 16-të metra gjen rrjetën e Dritës.

Në pjesën e dytë futbollistët e Dritës dukshëm përmisuan lojën e tyre rezervisti Osmani në minutën e 50-të nga 25 metra godet shtyllën e portës mysafire.

Në aksionin vijues futbollistët e Dritës organizojnë një sulm të rrjedhshëm së pari Maliqi gjuan portieri Kolshi mbron degazhon topin shkurtazi gjerë te Fortunato i cili nuk e patë vështirë nga 6-7 metra të shënon.

Gjerë në fund të ndeshjes futbollistët e Dritës kërkuan golin e fitores, por në momentet e caktuara futbollistët e Dritës nuk ishin në vendin e duhur.

Trajneri i Besës Gani Sejdiu pas ndeshjes deklaroi.”Mendoj se është një barazim real, kemi pas një kundërshtar të fortë e cila kërkoi pikët e saja në këto momente por kështu e ka futbolli”

Ndërsa ndihmës trajneri i Dritës Afrim Shahini theksoi.”Humbëm dy pikë të vlefshme në këto momente, Besa u tregua skuadër cilësore në ndeshjen e sotme”./rajonipress/

Drita – Latifi, Baxhuku(Rexhepi), Bergonsi, Haliti, Hashani, Berisha, Kuka, Zeneli (Osmani), Fortunato, Mavriqi(Ramadani), Maliqi.

Besa – Kolshi, Pacolli, Karahoda, Prekazi, Dabiqaj, Emini, Elshani (Sheqerolli), Gashi, Shabani(Ruhani), Turku, Miftari.

Stadiumi i qytetit në Gjilan
Shikues rreth 1500
Gjyqtar – Kosumi, Zeqiri, Rama, Maloku
Kartona të verdhë – Haliti, Hashani, Ramadani, Maliqi (D) Kolshi, Emini, Elshani, Gashi.