Drita nuk ndalet “viktima” e radhës ishte Feronikeli
Futbollistët e Dritës kanë arritur në javën e 29-t,ë në Superligën e Kosovës, ta mposhtin skuadrën nga Drenasi, Feronikelin me rezultat 2-1 duke e ruajtur pozitën e parë në tabelën e klasifikimit.
Në një ndeshje mesatare “bardhekaltërtit” e Dritës, arritën dy herë ta mposhtin portierin Florian Smakiqin, për të ruajtur diferencën ndaj skuadrave tjera përcjellëse, tani me këtë fitore Drita është larg Ballkanit 5pikë, Gjilanit 6 pikë dhe Prishtinës 7 pikë.
Në pjesën e parë në minutën e 26-të, Xhevdet Shabani lëshon rast të volitshëm, por gjuajtja e tij me kokë përfundon jashtë portës.
Mesfushori Erjon Vucaj në minutën e 34-të nga 30 metra me gjuajtje precize e të fort arrinë ta mposht portierin Smakiqin 1-0.
Të vetmin rast futbollistët mysafirë e patën në minutën e 43-të, kur me kokë gjuan Gbowea por pret Faton Maloku.
Në minutën e 55-të, mesfushori Besmir Bojku përfiton nga gabimi i portierit Faton Malokut i cili nga 13 metra në tollovinë e krijuar barazon në 1-1.
Pas një kundërsulmi të shpejt Blakqori i Dritës pengohet në zonën e rrezikshme të Feronikelit dhe arbitri i kësaj ndeshje Selim Isufi nga Mitrovica akordon në pikën e bardhë.
Nga pika e bardh i pagabuar ishte Fidan Gërbeshi, dhe sjell skuadrën e tij përsëri në epërsi 2-1.
Pas kësaj fitore Drita ka tubuar
Pas ndeshjes trajneri i Feronikelit, Afrim Tovërlani, deklaroi.
“Po e kemi vështirë ti motivojmë futbollistët pasi në këtë kampionat nuk po kemi aspirata, dhe kështu po i shfrytëzojmë futbollistët e rinjë për t`i sprovuar, dhe për të shikuar për planet e ardhshme”.
Ndërsa, trajneri i Dritës, Ardian Nuhiu ka deklaruar.
“I përgëzoj futbollistët për angazhim, fituam tri pikë të rëndësishme, në këtë ballafaqim na mungoi goli i qetësisë, tani na presin ndeshje të vështira dhe tani do të fillojmë të mendojmë për ndeshjen kundër Prishtinës”.
Në javën e ardhshme Drita udhëton në kryeqytet për tu takuar me Prishtinën
pas 29 javëve Drita ka tubuar./rajonipress/