Drita nuk ka të ndalur

Në javën e 10-të, të Albi Mall Superligës së Kosovës në futboll, Drita ka arritur ta mposht Trepçën 89 me rezultat të pastër 3-1.

Drita nga 10 ndeshje ende nuk ka pësuar disfatë në ciklin e parë të garave, ndërsa në ndeshjen e parë Trepca’89-Drita kishte përfunduar me rezultat të barabartë 2-2.

Drita epërsinë e parë e arriti në minutën e 8-të, Muharrem Jashari me një goditje të fortë nga 17 metra sjell skuadrën e tij në epërsi 1-0.

Në fillim të pjesës së dytë në minutën e 55-të, Besnik Krasniqi nga pika e bardhë shënon për 2-0.

Arbitri kryesor i kësaj ndeshje Jahmurataj e anuloi golin e Trepçës 89 në minutën e 50 për të dhënë penallti për Dritën që ishte shkaktuar më herët.

Rezervisti Ardit Tahiri, përfiton në minutën e 70 pas gabimeve të mbrojtjes mysafire duke kaluar edhe portierin mysafirë duke e fundosur skuadrën mysafire 3-0.

Mysafirët nëpërmjet Sekiraqës në minutën e 15 goditën transferzalen e Malokut, ndërsa në minutën e 80 Shala shënon në portën e Malokut por ishte pozitë jashtë loje.

Golin e nderit mysafirët e shënojnë në minutat shtesë të ndeshjes nëpërmjet kapitenit Muja, i cili mposht nga afërsia Malokun e Dritës.

Drita kryeson në tabelë me 24 pikë i ndjekur nga Ballkani i cili ka tri ndeshje më pak të zhvilluara./rajonipress/