Në javën e 8-të, Drita si mysafire me lehtësi ka mposhtur Malishevën me rezultat 2:4. Golin e parë futbollistët e Dritës e shënojnë nëpërmjet Besnik Krasniqit në minutën e 9 nga pika e bardhë.
Vendësit arrijnë të barazojnë në minutën e 22-të, me golin e Olivierin, njiherit ishte goli i parë i tij në fanellën e Malishevë.
Në fund të pjesës së parë pas rishikimit të VAR-it, Krasniqi i Dritës ka luajtur me dorë dhe penallti për Malishevën.
Por, gjuajtjen e Alban Shillovës, portieri Maloku e mbron . Golin e epërsisë për Dritën e shënon Simonovaki, së pari Kryeziu gjuan furishëm portieri Flamur Gashi mbron shkurtazi dëbohet topi gjerë të Simonovski i cili nga afërsia sjell skuadrën e tij në epërsi 1-2.
Në minutën e 64-të, Almir Kryeziu gjuan furishëm topin e ndal Dren Kryeziu i Malishevës topi dëbohet prapë tek Almir Kryeziu i cili ngrit epërsinë në 1-3.
Në minutën e 77-të, sulmuesi Almir Ajzeraj shënon përball portierit Gashi për 1-4, njiherit për Ajzeraj ishte paraqitja e tij e 100 në fanellën e Dritës.
Në minutën e 90 Drilon Hazrollaj shënon për të ngushtuar rezultatin përfundimtar të ndeshjes 2-4.
Trajneri i Dritës Ardian Nuhiu pas ndeshjes deklaroi. “Jam i kënaqur me futbollistët,do të vazhdojmë të punojmë ende. Pushimin do ta shfrytëzojmë maksimalisht, ndërsa pritja e penalltisë nga Maloku ishte vendimtare në këtë ndeshje”. Drita pas kësaj fitore, kryeson tabelën e klasifikimit me 17 pikë nga 7 ndeshjet e zhvilluara.
