Drita nga Drenasi kthehet e pamposhtur

Ndeshja kryesore e javës së 15-të në futbollin e Kosovës, e cila u zhvillua në stadiumin “Rexhep Rexhepi” në Drenas në mes Feronikelit e Dritës, është përmbyll me rezultat të barabartë 0-0.

Skuadra e Dritës me këtë pikë të importuar ka ruajtur hapin me skuadrat të cilat i prijnë tabelës së klasifikimit.

Gjatë 90 minutave ndeshja kryesisht është zhvilluar në gjysmëfushë, me pak raste shënimi nga dy skuadrat.

Në minutën e 4-të, Dabiqaj provon nga largësia Tofilovski mbron shkurtasi topi dëbohet tek Rexha i cili gjuan por Tofilovski edhe njëherë intervenon duke shpëtuar portën e tij.

Një minutë më vonë kapiteni Lladrovci me kokë për pak sa nuk shënon.

Në pjesën e dytë, Kastriot Rexha gjuan me kokë por nuk godet portën për disa centimetra.

Rast të mirë shënimi futbollistët e Dritës e patën në minutën e 60-të, nga një pozit e volitshme Namani gjuan pranë portës së Smakiqit.

Pesë minuta më vonë, edhe Izair Emini tenton por gjuajtja e tij përfundon jashtë portës.

Rastin më të mirë të ndeshjes futbollistët e Dritës e kishin në minutën e 70-të, Xhevdet Shabani i vetmuar gjuan plogësht drejt në duart e portierit Smakiqi.

Skuadra e Dritës pozicionohet në pozitën e tretë me 29 pik, ndërsa Feronikeli në pozitën e 6-të me 23 pikë

Në javën e 16 Drita ballafaqohet me Llapin në Gjilan./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).