Drita në stilin e kampionit mposht Drenicën
Në javën e VIII-të, skuadra e Dritës në stadiumin e qytetit në Gjilan ka mposhtur Drenicën nga Skenderaj me rezultat 4-1.
Futbollistët e Dritës pas humbjes ndaj Ballkanit në javën e VII-të, me plot meritë kanë mposhtur “kuqezinjët” e Drenicës duke ju kthyer fitoreve.
Futbollistët e Dritës që në fillim të ndeshjes në sekondën e 50 pas harkimit të Alidemës, Bujar Shabani me kokë mposht portierin Arion Ymerin.
Mesfushori Hamdi Namani në minutën e 22-të, shënon pas goditjes nga këndi dhe e detyron Ymerin të nxjerr topin nga rrjeta e tij.
Në minutat shtesë të pjesës së parë, pas krosimit të Astrit Fazliut më së larti kërceu Kastriot Rexha i cili me kokë ngrit epërsinë në 3-0.
Futbollistët mysafirë në këtë ndeshje arrin të shënojnë golin e nderit në minutën e 47-të, me goditje precize Baton Zabërgja mposht Malokun e Dritës.
Në këtë ndeshje jo të barabartë gjithçka vulos Betim Haxhimusa në minutën e 80-të, së pari kapiteni Limani gjenë Haxhimusën i cili i pa penguar vulos gjithçka në këtë ndeshje.
Trajneri i Dritës, Ardian Nuhiu, pas 90 minutave deklaroi.
“Pas humbjes ndaj Ballkanit futbollistët treguan karakter duke u kthyer fitoreve, jam i kënaqur me angazhim e futbollistëve dhe me plot meritë fitorja na takoj neve”.
Në javën e IX-të, Drita do të jetë mysafire tek skuadra e Arbërisë./rajonipress/