Drita në Obiliq mposht Arbërinë

Në javën e IX-të, të Superligës së Kosovës në futboll në stadiumin “Agron Rama” në Obiliq, në cilësinë e mysafirit Drita ka mposhtur Arbërinë me rezultat minimal 0-1.

Golashënues i vetëm në këtë përballje ishte Bujar Shabani, i cili shënoi në fund të pjesës së parë.

Ashtu siq është pritur Drita me mjaft vështirësi ka mposhtur Arbërin, e cila edhe një herë u tregua skuadër shumë cilësore.

Raste të mira shënimi për Dritën kishte Kastriot Rexha në minutën 3 dhe 16-të, por gjuajtjet e tij përfunduan jashtë portës së portierit Donat Kaqiut.

Tek skuadra e Arbërisë raste të mira kishte Bruqi në minutën 8 e 12-të por portieri Faton Maloku ishte në vend.

Në minutën e 36-të, Hamdi Namani shënon gol por arbitri Tefik Maloku, sinjalizon pozitë jashtë loje duke e dëmtuar Dritën.

Goli i kësaj ndeshje i cili njëherit ishte vendimtar, ishte në minutën e 45-të, Xhevdet Shabani bukur gjenë Bujar Shabanin i cili devijon pak topin dhe shënon duke i sjell skuadrës së tij tri pikë tejet të vlefshme.

Futbollistët e Arbërisë patën rast të mirë kur lojtari më i mirë i tyre, Kryeziu, gjuan nga ndërprerja por gjuajtja bllokohet nga futbollistët e Dritës.

Në minutën e 83-të, Betim Haxhimusa koritet nga 5-6 metra i pa penguar godet shtyllën pingule të Arbërisë.

Pas ndeshjes trajneri i Dritës, Ardian Nuhiu, deklaroi.
“Arbëria ishte një kundërshtar i fort, kjo ishte fitore shumë e rëndësishme pasi kampionati është mjaft i fortë, por ne do të vazhdojmë rrugëtimin tonë javë pas jave”.

Ndërsa trajneri i Arbërisë, Arbnor Morina, pas ndeshjes deklaroi.
“Drita është një kundërshtar i fort është kampione, por futbollistët e mijë po luajnë mirë por po na mungon konkretizimi i rasteve, por jam i kënaqur me angazhimin e futbollistëve të mijë”.

Nga shtatë ndeshjet e zhvilluara Drita ka tubuar 16 pikë, ndërsa në javën e X-të Drita është mysafire e Llapit në Podujevë./rajonipress/