Drita ‘ndez’ Superligën, mposht Llapin në Podujevë

Skuadra e Dritës ka shënuar fitore të madhe në Podujevë duke mposhtur skuadrën e Llapit me rezultat 0:1, në ndeshjen e javës së 28-të në Superligën e Kosovës në futboll.

Me këtë fitore, “Intelektualët” kanë ndezur garën për titull të kampionit, duke u pozicionuar në pozitën e dytë, me dy pikë më pak se lideri Ballkani.

Golin e vetëm në këtë takim e shënoi, Blend Baftiu në minutën e 42-të pas një asistimi të përkryer të mbrojtësit Juan Mesa.

Në javën e ardhshme, Drita do të takohet me Lirinë në Gjilan.