Drita mposhtë Llapin në Merdare

Në një ndeshje mjaft interesante ku u shënuan katër gola, skuadra e Dritës në një fushë tejet të vështirë në Merdare ka arritur ta mposhtë Llapin me rezultat 1-3. Futbollistët e Dritës që në minutën e 4-të, nëpërmjet Astrit Fazliut nga pika e bardhë sjell skuadrën e tij në epërsi me 0-1. Në minutën e 28-të, Krasniqi i Llapit ndëshkohet me karton të kuq nga Arbitri Genc Nuza pas rishikimit të Var-it.

Pesë minuta më vonë Hamdi Namani realizon për 0-2. Pesë minuta para pjesës së parë kapiteni Limani godet shtyllën e portierit Qolliq. Në fund të pjesës së pare, arbitri Genz Nuza barazon numrin e futbollistëve në fushë, pasi ndëshkon me karton të kuq Balden e Dritës duke akorduar penallti për Llapin.

I pa gabuar nga pika e bardhë ishte Shillova i cili zbut epërsinë në 1-2. Në minutën e 72-të, pas një harkimi të bukur nga Jashari, Simonovski i Dritës ishte i vëmendshëm në zonë duke realizuar golin e qetësisë në 1-3.

Llapi ishte shumë afër golit të dytë, por Sadriu godet shtyllën e portierit Maloku. Në minutën e 88-të, Llapi shënon nëpërmjet Firminhos duke ngushtuar rezultatin por me ndihmën e Varit goli anulohet.

Pas ndeshjes trajneri i Dritës, Ardian Nuhiu, ka theksuar. “Ishte një ndeshje shumë e vështirë, djemtë dhanë më të mirën e tyre, fusha ishte katastrofë. Sa i përket kartonëve të kuq unë i besoj VAR-it, për këtë nuk e lodhi kokën”.

Drita pas XI-të xhirove, zë pozitën e dytë me 19 pikë. Në javën e ardhshme Drita ne Gjilan e pret Malishevën./rajonipress/