Drita mposht rivalin lokal Gjilanin, në një atmosferë të zjarrtë

Në javën e 23 të Superligës së Kosovës në futboll për Junior, në stadiumin sintetik në fshatin Livoq, Drita ka mposhtur rivalin lokal Gjilanin duke e ndezur edhe më shumë garën për titull të kampionit.

Futbollistët e Dritës të cilët në këtë stinor janë inkuadruar në Superligë të Juniorëve janë duke bërë histori duke luftuar për titull të kampionit.

Për skuadrën e Gjilanit është kjo humbja e dytë nga rivali lokal pasi në vjeshtë e kishte mposhtur me rezultat 4-1, ndërsa sot me një lojë tejet të bukur ka shënuar
fitore të vlefshme me rezultat 1-0.

Futbollisti Yll Ibrahimi ishte trimi këtij derbi i cili shënoi nga goditja e lirë duke i siguruar skuadrës së tij fitoren e 14 të sezonit.

Futbollistët e Gjilanit nuk arritën të fitojnë këtë përballje edhe pse kishin mundësi pasiqë futbollistët e Dritës nga minuta e 42-të mbetën me 10 futbollist në fushë pasiqë u përjashtua nga loja Artiol Rexha.

Në nivel të detyrës ishte edhe “gardiani” i Dritës Olti Ismajli i cili në disa raste ishte shpëtimtar i skuadrës së tij.

Këtë derbi e përcolli një numër i konsiderueshëm i tifozëve në këtë kohë të pandemisë COVID 19.

Drita me këtë fitore arrin në kuotën e 48 pikëve, ndërsa Gjilani mbetet edhe më tutje lider me 52 pikë./rajonipress/

Shpërndaje.
© RAJONIPRESS