Drita mposht Përfaqësuesen U21 të Kosovës në futboll

Gjilan – Futbollistët e Dritës në fushën sintentike kanë mposhtur përfaqësuesen e Kosovës U21 në futboll me rezultat 2-1.

Futbollistët e Dritës në këtë ballafaqim miqësor treguan lojë të mirë gjatë tërë ndeshjes, duke dëshmuar se fillimin e kampionatit dhe ballafaqimin me Besën e Pejës për Kup të Kosovës e presin të përgatitur.

Golashënues për “bardh e kaltërtit” e Dritës ishin Florim Berisha dhe përforcimi i ardhur nga Gjilani Dren Gashi.

Këtë ndeshje e përcollën rreth 300 shikues në një mot të ftoftë, por fusha ishte e përshtatshme për lojë./rajonipress/