Drita mposht me lehtësi Arbërinë

Drita ka marrë një fitore të rëndësishme në ‘Zahir Pajaziti”, kundër skuadrës së Arbërisë, ndeshje e vlefshme për javën e 27 në Superligën e Kosovës në futboll.

“Bardhekaltërtit” mposhtën 1-3 Arbërinë dhe bën një hap të rëndësishëm drejt mbrojtjes së titullit të kampionit. Edhe pse që nga fillimi i ndeshjes Drita ishte më e mirë se kundërshtari dhe kishte raste të mira shënimi, skuadra e Arbërisë arriti e para të kalojë në epërsi.

Në minutën e 23-të, pas një tollovie në zonë Dior Zabergja me një goditje të bukur mposht Malokun për 1-0. Gëzimi i vendasve zgjati vetëm 2 minuta pasi në minutën e 25-të, pas një depërtimi të bukur Festim Alidema gjuan nga distanca dhe arrinë të barazon rezultatin në 1-1.

Skuadra e Dritës arrinë që të rikthen rezultatin në pjesën e parë, në minutën e 33-të, Esosa Irogue me një goditje të saktë brenda zonës shënon për rezultatin 1-2. Në minutën e 40-të, mbrojtësi i Arbërisë Gersid Lika luan me dorë dhe gjyqtari i takimit akordon penallti për skuadrën e Dritës, por penalltinë nuk arrinë ta konkretizoj në goll Erjon Vucaj pasi goditjen e tij nga 11 metërshi e pret portieri Thaqi.

Në pjesën e dytë, skuadra e Dritës arriti të kontrolloj ndeshjen pa presion dhe gjithashtu shënoj edhe golin e qetësisë. Në minutën e 63-të, Ardian Limani bukur gjen ne zonë Haxhimusën e ky i fundit nuk e pati vështirë të shënon për rezultatin përfundimtar 1-3. Me këtë fitore Drita rikthehet në pozitën e parë me 58 pikë, 3 pikë më shumë se Ballkani që nesër do ta zhvillojë ndeshjen derbi kundër Prishtinës./rajonipress/