Drita më në fund tregon se është kampion aktual i Kosovës

Gjilan – Futbollistëve të Dritës ju deshën 10 javë për të treguar se janë kampion aktual të Kosovës në futboll, ata sot në stadiumin e qytetit në Gjilan kanë deklasuar skuadrën e Ballkanit nga Suhareka me rezultat të “tenisit” 6-1.

Për gjatë 90 minutave futbollistët e Ballkanit nuk ishin kundërshtar të denjët për skuadrën e Dritës, e cila sot nëpër mot me diell i ka kënaq tifozët e saj, si me lojë njashtu edhe me rezultat.

Serinë e golave e hap Betim Haxhimusa në minutën e 12-të, për rezultatin 1-0 .
Në minutën e 35-të Fidan Gërbeshi ngrit epërsinë në 2-0, nga pika e bardhë.

Në pjesën e dytë Fionit Shaqiri arrin të shënon për 3-0.

Në minutën e 47-të, Besnik Krasniqi ndëshkohet me karton të kuq pasi goditi me bërryl Vucajn e Dritës.

Mbrojtësi i Ballkanit, Liridon Kukaj gabimisht mposht portierin e tij për rezultatin 4-0.

Mesfushori Endrit Krasniqi, pas depërtimit të tij të mirë shënon për 5-0.
Në minutën e 87-të, Baftiu i mysafireve realizon golin e nderit nga 23 metra mposht Rexhepin për 5-1.

Kapitullin e kësaj ndeshje e përmbyll ashtu siç e filloi, Haxhimusa në minutën e 89-të, për 6-1.

Trajneri i Dritës, Shpëtim Duro ka deklaruar.
“Drita ka filluar lojën e sajë dhe ne jemi shumë optimist që këtë ritëm do ta mbajmë sa më gjatë”.

Në javën e 11-të, Drita takohet me Ferizajin./rajonipress/