Drita më në fund shënon fitoren, mposht Drenicën

Gjilan – Skuadra e Dritës në javën e 5-të, të Superligës së Kosovës në futboll i rikthehet fitoreve, viktimë kësaj radhe ishte skuadra e Drenicës ku u mposht me rezultat 3-0.

Mbi 2000 ishin mbledhur në stadiumin e qytetit në Gjilan për të përcjell idolët e tyre, ndërsa këta të fundit shikuesit e saj i kënaqi me rezultat të arritur.

Futbollistët e Dritës në pjesën e parë nuk arritën të rrezikojnë shumë seriozisht portën e Ymerit, gjithçka ishte në gjysmë raste.

Mysafirët shumë lehtë kanë mundur të shënojnë dy herë, së pari në minutën 36-të, mbrojtësi Gërbeshi shpëton gol të sigurt duke ja mohuar Halimit të mysafireve për të shënuar.

Dy minuta më vonë në atë 38-të, Gashi me një goditje nga 27 metra gjuan furishëm por Halimi i Dritës pret për mrekulli.

Shtatë minuta të fillimit të pjesës së dytë sulmuesi Përparim Livoreka zhbllokon rezultatin duke sjell gëzim në stadium 1-0.

Dhjetë minuta më vonë në atë të 67, pas një depërtimi të Xhevdet Shabanit ku gjen në zonë Kastriot Rexhën ku ky i fundit shënon duke ngrit epërsinë në 2-0.

Një minutë më vonë përsëri depërton në zonë Xhevdet Shabani duke u penguar në zonë të rreptësisë dhe Nuza akordon penallti, nga pika e bardh, i pagabueshëm ishte Gërbeshi duke trefishuar rezultatin.

Me atë se çka u dallua në këtë ndeshje skuadra e Dritës e deshti fitoren më shumë se çdo ndeshje tjetër, së paku për tu rehabilituar para tifozëve të saj “Intelektualët”, të cilët presin që skuadra e tyre të jetë në kreun e tabelës së klasifikimit të Superligës së Kosovës në futboll.

Në ndeshjen e ardhshme skuadra e Dritës do të takohet me Vllaznin e Pozheranit./rajonipress/