Drita me meritë mposht Besën

Gjilan – Futbollistët e Dritës me plotë meritë shënuan fitore në javën e 5 duke e mposhtur Besën e Pejës me rezultat 1- 0.

Gjatë 90 minutave u zhvillua ndeshje interesante futbollistët e Dritës goditën shtyllën në dy raste po aq edhe mysafirët nga Peja.

Skuadra e Dritës ka mundur shumë lehtë të kalon në epërsi në minutën e 4 kur Krasniqi nga afërsia gjuan jashtë portës së mysafirëve.

Mysafirët në minutën e 15 për pak sa nuk shënojnë kur futbollisti më i mirë i mysafirëve Kastriot Rexha nga 18 metra gjuan furishëm por Latifi i Dritës shpëton portën e tij.

Në minutën e 30 Rexha për pak sa nuk shënon goditjen e tij me kokë nga 13 metra e ndal shtylla pingule e Latifit.

Një minutë më vonë Fillim Guraziu pasi kalon dy mbrojtës të Besës i vetmuar nga 4 metra qëllon shtyllën pingule të portierit musafi Valmir Bytyqit.

Në pjesën e dytë kryesisht takimi u zhvillua i hapur dhe pa kalkulime.

Në minutën e 60 Endrit Krasniqi i pa fat për pak sa nuk e sjell Dritën në epërsi këtë gjuajtje të tij ia ndal shtylla horizontale e mysafirëve.

Tre minuta më vona Fatih Karahoda i Besës gjuan nga 7-8 metra Latifi me mbrojtje bravuroza largon topin nëpërmjet shtyllës së tij pingule.

Në minutën e 72 Mark Milicaj i vetmuar me portierin Latifin gjuan, por Latifi sot ishte shumë i sigurt duke evituar gol të sigurt.

Momenti vendimtar i ndeshjes ishte në minutën e 85 së pari futbollisti më i dalluar i takimit të sotëm Endrit Krasniqi gjuan nga 20 metra portieri mysafir Bytyqi intervenon, topi dëbohet nga shtylla e tij pingule gjerë tek qendërsulmuesi Alban Shillova i cili nga 4-5 metra ia siguron skuadrës së tij tri pikë të reja, duke gëzuar tifozët e saj Intelektualët ku gjatë gjithë takimit mbështetën skuadrën e tyre.

Pas përfundimit të ndeshjes futbollisti mysafirë Florent Papuqi për shkak të protestës së tij ndaj gjyqtarit Genc Nuza ndëshkohet me kartonin e kuq./rajonipress/

DRITA – BESA 1-0 (0-0)

Stadiumi i qytetit në Gjilan
Shikues: 1000
Kartona të verdhë: Shabani (Drita) Dabiqaj, Rexha(Besa)
Karton i kuq: Florent Papuqi (Besa)
Gjyqtar: Genc Nuza, Jakup Musolli, Fatmir Krasniqi, Artan Tahiri.

Golashënues: Alban Shillova min. 85

Drita: Latifi, Hashani, Limani, Cakaj, Qerkini, Tosuni), Kastrati (Hajdari), Guraziu (Murati), Ramadani, Shabani, Krasniqi, Shillova.

Besa: Bytyqi, Osmani (Cacaj), F.Papuqi, Bekteshi, FI.Papuqi, Sheqerolli (Prekopuca), Dabiqaj, Karahoda, Goraj, Milicaj, Rexha./rajonipress/