Drita me lehtësi mposht Besën
Në stadiumin e qytetit në Gjilan në kuadër të javës së 22-të, Drita e cila pretendon të mbrojë titullin nga viti i kaluar me lehtësi ka mposhtur Besën e Pejës me rezultat 3-1.
Ashtu siç është pritur Drita në të gjitha elementet gjatë 90 minutave ishte superiore ndaj futbollistëve të rinjë të Besës, ekip e cila qysh herët është përshëndetur nga Superliga e Kosovës në futboll.
Vendësit arrinë në epërsi në minutën e 6-të, Xhevdet Shabani pas një gjuajtje të sakt mposht portierin mysafirë Agron Kolaj.
Katër minuta më vonë, Shabani edhe njëherë ka mundur të mposht Kolajn por në momentin e fundin shpëton portën e tij.
Në minutën e 15-të, Xhevdet Shabani nga goditja e lirë shënon super gol duke ngritur epërsinë në 2-0.
Në pjesën e dytë futbollisti më i mirë i ndeshjes së sotme Xhevdet Shabani nga ndërprerja godet horizontalen e mysafireve.
Futbollistët mysafirë nga Peja në minutën e 65-të nëpërmjet Ardi Hajdinin arrinë për të ngushtuar epërsinë në 2-1.
Por, dy minuta më vonë, Bujar Shabani bukur shërbehet nga bashkëlojtari Haxhimusa, i cili nuk e pati vështirë të shton epërsinë në 3-1.
Trajneri i Dritës, Ardian Nuhiu pas 90 minutave ka deklaruar.
“Ne nuk e nënçmuam kundërshtarin në asnjë moment, i uroj futbollistët për paraqitjen e tyre. Ne në asnjë moment nuk jemi nën presion, kemi treguar lojra të mira edhe në javët e kaluara por na mungoi rezultati por sot morëm edhe rezultatin e dëshiruar”.
Është për tu befasuar se afro 100 tifoz të Dritës ishin në shkallët e stadiumit, e kjo është befasi kur dihet masat e pandemisë të cilat i ka përcaktuar FFK.
Në javën e 23-të, Drita është udhëtuese në Drenas ku ballafaqohet me Feronikelin./rajonipress/