Bazuar në statistikat e Federatës së Futbollit të Kosovës (FFK) të nxjerra nga protokollet zyrtare të ndeshjeve të Superligës gjatë stinorit vjeshtor, gëzon statistika pozitive sa i përket shikueshmërisë. Është Drita e Gjilanit që duhet krenuar për numrin e tifozëve në tribuna në ndeshjet si vendas.
Sipas Adem Qollakajt, Dritën në stinorin vjeshtor e kanë ndjekur 16 600 shikues, që njëkohësisht ka ndrequr pak a shumë edhe numrin e përgjithshëm. “Drita është ekipi më i shikuar në ndeshjet si vendas me 16600 shikues. Pas Dritës radhitet Drenica, Trepça ‘89, derisa Vëllaznimi ka rënë në vendin e katërt”, deklaroi Qollakaj.
Në këtë aspekt, Hajvalia është ekipi me shikueshmërinë më të vogël në vjeshtë. Mesatarja e shikuesve në një duel të Hajvalisë si vendas në stadiumin e Flamurtarit, ka qenë 480, ndonëse Qollakaj nuk e përjashton mundësinë që vëzhguesit e ndeshjeve të kenë ‘fryrë’ këtë numër, që në bazë të statistikave të gazetës, është shumë më i vogël. (ORAinfo)
