Drita kërkon “hakmarrje” ndaj Prishtinës

Gjilan – Hendbollistët e Dritës nesër duke filluar në ora 19:00 në palestrën sportive “Bashkim Selishta-Petriti”, do të jenë nikoqir të hendbollistëve të Prishtinës në çerekfinale të Kupës së Kosovës në hendboll.

Për këtë ballafaqim tejet interesant është një interesim i madh tek dashamirët e hendbollit, andaj me të drejt pritet që gjerë në fund të ndeshjes të jetë rezultat i paqartë.

Hendbollistët e “bardh e kaltërve” të Dritës, tri ditë më herët në kuadër të Superligës në shtëpinë e tyre pësuan humbje nga Prishtina, dhe me të drejt në këtë takim çerekfinale të Kupës së Kosovës kërkojnë “hakmarrje”nga mysafirët e Prishtinës për të kaluar në gjysmëfinale të Kupës së Kosovës në hendboll.

Anëtari kryesisë së hendbollistëve të Dritës, Arbër Musliu për këtë sfidë të rëndësishme të Dritës theksoi.

“Do të jetë një ndeshje shumë e vështirë ne kemi adutet tona, respektojmë skuadrën mysafire,por synimi jonë është finalja e cila në shpije drejt arenës ndërkombëtare, ne do të jemi në këto momente vendimtare mjaft të hendikepuar do të na mungojnë tre hendbollist Shahini, Selmani e Sahiti të cilët janë të lënduar, andaj ftoj tifo klubin “Intelektualët” që nesër të na mbështesin të përballojmë këtë sfidë mjaft të rëndësishme për klubin tonë”./sylejman ismajli/rajonipress/