Drita importon pikë të madhe nga Istogu

Istog – Futbollistët e Dritës në kuadër të javës së 30-të, të Superligës së Kosovës në futboll arriti të importoj një pikë të madhe nga fusha e Istogut duke e përmbyllë takimin me rezultat të bardhë 0-0.

Për futbollistët e Dritës ky takim ishte mjaftë i rëndësishëm duke kërkuar që me rezultat pozitiv ti ikë edhe barazhit në Superligën e Kosovës në futboll dhe këtë e arriti me mjaftë sukses duke importuar një pikë me vlerë të madhe.

Duke ditur rëndësinë e këtij ballafaqimi futbollistët e Dritës në 20 minutat e parë bënë presion në portën e portierit mysafir Hajrizaj, por tentimet e saja ishin të plogështa.

Rastin e vetëm në pjesën e parë futbollistët e Dritës e patën në minutën e 40-të, kur Xhevdet Shabani gjenë mirë Shillovën por ky i fundit nuk ishte i vëmendshëm duke shkuar rasti huq.

Në minutën e fundit të pjesës së parë në atë 45-të D.Gashi me një diagonale gjenë Bajramaj i cili nuk ishte i vëmendshëm me kokë duke lëshuar rast ideal për shënim.

Në pjesën e dytë futbollistët e Dritës kryesisht u përqendruan në mbrojtje duke i evituar gjysmë rastet e kundërshtarit me mjaftë lehtësi.

Në minutën e 60-të Bajramaj këmbëshpejtë për pak sa nuk shënon nga 6-7 metra gjuajtja e tij përfundon në këmbët e mbrojtësve të Dritës.

Në minutën e 62-të D.Gashi harkon nga 30 metra nga anash mirë gjen Hoxhën i cili me kokë gjuan nga 7 metra jashtë portës.

Rastin më ideal për shënim vendësit e patën në minutën e 77-të, kur Fetahi gjuan nga 20 metra por portieri i Dritës Halimi mbron duke dëbuar topin jashtë vijës fundore të tij.

Pas ndeshjes trajneri i Dritës Sedat Pajaziti deklaroi:”Është një pikë e madhe për skuadrën tonë, për këtë jam shumë i lumtur ndërsa ne zhvilluam ndeshjen më të dobët të sezonit”.

Ndërsa homologu i Pajazitit, Besim Podrimaj theksoi:”U munduam shumë nuk ja dolëm të fitojmë ishte një ndeshje me ngarkesë të madhe dhe kjo e bëri të vetën”.

Me këtë pikë të importuar Drita ka tubuar 36 pikë ndërsa në javën e 31-të, do të jetë nikoqire e Trepqës’89./rajonipress/

ISTOGU – DRITA (0-0)
Stadiumi “Demush Mavraj” Istog
Shikues – rreth 1700
Gjyqtar- Vula , Morina, Latifi, Baliu.
Karton të verdhë- D.Gashi, Cacaj, Shabanaj(I) , Sejdiu, Shillova, Berisha.(D)
ISTOGU- Hajrizaj, Morina (Kastrati), Cacaj, Maxharraj, D.Gashi, Shabanaj, K.Gashi, F. Gashi, Hoxha, Duraku(Fetahi), Bajramaj.

DRITA- Halimi, Baxhuku, Hashani, Haliti, Tusuni, Sejdiu, Berisha Kelmendi, Ramadani Shabani Shillova (Hajdari)