Drita importon një pikë nga Merdarja

Gjilan – Futbollistët e Dritës në ballafaqim të javës së 23-të të Superligës së Kosovës me plotë meritë në ballafaqim me Llapin në stadiumin e Merdarës importon një pikë të madhe për mbijetesë duke e mbyllur ndeshjen me rezultat 1-1.

Mysafirët ishin ata të cilët rrezikuan në min e 30-të, nëpërmjet Ens Zabërgjës por portieri i Dritës Halimi me kohë intervenon duke shpëtuar portën e tij.

Katër minuta më vonë në minutën e 34-të pas disa kombinimeve të mira të repartit sulmues të Dritës më së miri gjendet Almedin Murati i cili nuk e patë vështirë të tund rrjetën e Llapit nga 7-8 metra duke sjell skuadrën e tij në epërsi.

Futbollistët e Llapit në pjesën e dytë kaluan në ofanzivë totale, në minutën e 52-të, pas goditjes nga 30 metra Boshnjaku i vendësve gjuan me kokë, Halimi mbron dëbon topin shkurtazi e aty më së miri gjendet kapiteni i Llapit Hamdi Namani i cili nga 8 metra barazon rezultatin në 1-1.

Në minutën e fundit vendasit kanë mundur të shënojnë golin e fitores, por gjuajtja e Jasharit përfundon në horizontalen e Dritës duke u dëbuar topi jashtë vijës fundore.

Në minutën shtesë të ndeshjes në atë 93-të Visar Zogjani nga 40 metra gjuan furishëm për pak sa nuk e befason portierin e Dritës Halimin i cili kapë topin me mjaftë vështirësi.

Një pikë e fituar e futbollistëve të Dritës në këtë ndeshje është e madhe duke e ditur pozitën e sajë në tabelën e klasifikimit e cila është duke luftuar për mbijetesë.

Pas ndeshjes Sedat Pajaziti trajneri i Dritës i akuzoi futbollistët e tij për lojë jo të mirë.
“Patëm mundësi ti fitojmë tri pikë, futbollistët e mijë u frikuan nga fitorja e posaçërisht jam i zhgënjyer me repartin mbrojtës megjithatë një pikë është e mirëseardhur”.

Trajneri i Llapit Tahir Batatina deklaroi:” Nuk është mirë të humbim pikët atëherë kur kemi nevojë për to por pjesa e tretë e kampionatit është shumë e vështirë, por ne ende jem për kreun e tabelës dhe në garë për Kupën e Kosovës”.

Stadiumi në Merdarë.
Shikues rreth: 800
Gjyqtar – B.Jahmurataj, L. Muhadri, F. Abrashi, F. Tahiri
Kartonë të verdhë – Shabanaj (LL)
Golashënues : Murati min. 34 (D), Namani min. 52 (LL)

Llapi – Ademi, Jashari, Sinani, Kuka, Blakqori, Namani, Shabanaj, Zogjani, Zeqiri(Zeneli), Boshnjaku, (Ibishi), Zabërgja.

Drita – Halimi, Bagjuku, Hashani, Sejdiu, Tusuni, Kastrati (Kelmendi), Ajdari, Berisha, Shabani, Murati (Shaqiri), Shillova(Ramadani)./rajonipress/