Drita ia bën sefte

FC Drita ka shënuar fitoren e pare në këtë stinorë, pasi ka mposhtur bindshëm Flamurtarin me rezultat 3-0.

Pas humbjes së në javën e pare, futbollistet e Dritës nuk i përsëriten gabimet e ndeshjes së pare. Futbollistët e Dritës takimin e sotëm kundër Flamurtarin e dominuan nga fillimi deri në fund.

Drita arriti të kaloi në epërsi në fillim të ndeshjes, në minutën e 4-të, Bunjamin Shabani tentoi të paraboloj portierin mysafir e ky dëboi topin shkurtas, deri te Betim Haxhimusa, i cili nga afërsia e futi topin në rrjetën e zbraztë.

Golin e dytë, futbollistët e Dritës e shënuan në pjesën e dytë në minutën e 52-të, transferimi më i madh në këtë stinorë Izair Emini pas një goditje të fort arriti të ngritë epërsinë e Dritës në 2-0.

Në minutën e 78-të, pas një kundërsulmi të shpejt të futbollistëve të Dritës, në zone pengohet Bunjamin Shabani dhe me të drejt gjyqtari i kësaj ndeshje Qaka akordon penallti.

Nga pika e bardhë i pagabueshëm ishte Fidan Gerbeshi duke vulosur rezultatin përfundimtar të kësaj ndeshje./rajonipress/