Drita gabon, por mbetet lidere

Në javën e 28-të të Superligës së Kosovës në futboll, Drita dhe Trepça’89 kanë luajtur baraze 1:1 në ndeshjen e zhvilluar në Gjilan.

Drita kaloj e para në epërsi në minutën e 12-të. Kastriot Selmani u pengua në zonë nga Gentrit Dumani, dhe gjyqtari kryesor Visar Kastrati akordoj penallti për “bardhekaltërit”. I pagabuar nga pika e bardhë ishte Besnik Krasniqi 1:0.

“Minatorët” arritën të barazojnë rezultatin në minutën e 24-të, me golashënues Egzon Baftiu.

Edhe me këtë barazim Drita mbetet lidere e Superligës me 56 pikë, ndërsa në javën e ardhshme do të takohet me Dukagjinin në Klinë.