Drita fiton për të marrë kreun e tabelës

Gjilan – Në derbin e javës së 20 të Superligës në futboll në stadiumin “Zahir Pajaziti” në Podujevë, skuadra e Dritës me golin e Xhevdet Shabanit ka arrit të mposht Llapin me rezultat 0-1.

Në fushën sintentike të mbuluar me borë gjatë 90 minutave skuadra e Dritës kishte më tepër nga loja duke ju bërë me dije vendësve se nuk do të dorëzohen lehtë në Podujevë.

Në minutën e 19 Leci nga 12 metra godet horizontalen e portierit të Llapit Beqirit

Në fillim të pjesës së dytë në minutën e 49 njëri ndër futbollistët më të mirë të Superligës Xhevdet Shabani nga 14 metra me gjuajtje precize gjen këndin e poshtëm të portierit Beqirit duke sjell gëzim të papërshkrueshëm tek tifozët “Intelektualët” që sot kishin marrë rrugën në këtë mot të ftoftë në Podujevë

Liridon Leci në minutën e 70 ka mundur shumë lehtë të shënon kurë topi shkonte drejt vijës fatale të portierit Beqiri gol të sigurt shpëton Zeqiri i cili dëbon topin.

Në minutat e fundit të ndeshjes pas një ndërhyrje të palejuar Bujar Shabani e lëndon sulmuesin e Llapit Mirlind Dakun i cili u deshtë të kërkon ndihme në spitalin e Podujevës

Pas ndeshjes trajneri i Dritës Bekim Isufi deklaroi: “Ishte një fitore shumë e vështirë, por e rëndësishme, arritëm t`i neutralizojmë disa futbollist të mirë të Llapit dhe e kishim pakë më lehtë i falënderohem “Intelektualëve”, për përkrahjen që na dhanë gjatë tërë ndeshjes, ne jemi për t`i gëzuar ata dhe do të vazhdojmë që edhe në të ardhmen të dëshmojmë se me meritë jemi në pozitën e parë.

Ndeshjen e javës së 21 Drita është nikoqire e Vllaznimit të Gjakovës./rajonipress/