Drita fiton ndeshjen e parë të finales së Play – Offit

Gjilan – Në një ambient madhështor në Palestrën Sportive “Bashkim Selishta-Petriti” në praninë e 1500 shikuesve Volejbollistet e Dritës në ndeshjen e parë mposhtën
skuadrën e Skenderait me rezultat 3-1 (25-21, 25-19, 23-25, 25-20).

Në një ndeshje spektakolare volejbollistet e Dritës edhe njëherë dëshmuan se janë fuqi e volejbollit të Kosovës.

Gjatë katër seteve sa u zhvilluan, në këtë ballafaqim u tregua volejboll cilësor, ndërsa në të shumtën e rasteve shikuesit me animin e tyre të zjarrtë këtë ballafaqim e bën shumë atraktiv dhe interesant.

Volejbollistet e Dritës vetëm në setin e tretë nuk u treguan të koncentruara në momentet e fundit pësuan me rezultat 23-25 ndërsa në setin e parë, të dytë dhe të katërt treguan lojë brilante duke i ngritur shumë herë shikuesit nga ulëset e tyre.

Tek volejbollistet e Dritës gjithçka funksionoi siç është më së miri si në servime, pasime, bllokime e gjuajtje, por edhe mysafiret nga Skenderai në disa pjesë të kësaj loje treguan lojë shumë cilësore.

Trajneri i KV Drita Lorik Ilazi pas ndeshjes për “rajonin press” theksoi. “Ishte një lojë shumë e vështirë ky ballafaqim kishte peshën e madhë të tij. Vajzat e mija edhe njëherë treguan se i pret një ardhmëri e madhe në volejboll ndërsa edhe mysafiret treguan forcën e tyre duke dëshmuar se është një skuadër të cilën duhet çmuar shumë”.

Ndeshja e dytë e finales së Play-OFF-it do të zhvillohet të dielën në Mitrovicë./rajonipress/