Drita ende nuk e ka shqyrtuar dorëheqjen e Arbnor Morinës

Gjilan – Arbnor Morina ka dhënë dorëheqja nga posti i kryetrajnerit të Dritës. Për rajonipress Morina tha se dorëheqjen ia ka dorëzuar Ismajl Rashitit. Rashiti ndërkaq tha se dorëheqjen e Morinës e ka marrë vetëm gojarisht dhe se ende nuk janë takuar kryesia për ta shqyrtuar atë.

Thotë se i ka paralajmëruar me kohë për telashet që mund të ndodhin në ekipin e Dritës. Arbnor Morina tashmë e ka ofruar dorëheqjen tek kryetari i Dritës Ismajl Rashiti. “Problemet që janë duke na përcjell qe disa javë radhazi i kam paraqitur te kryesia e klubit, por asgjë nuk kanë ndërmarr për t`i evituar këto. Prandaj unë kam paraqitur dorëheqjen time dhe nuk jam më trajner i Dritës” u shpreh Morina menjëherë pas takimit Drita – Besa .

Ismajl Rashiti kryetar i Dritës i kontaktuar nga rajonipress tha se nuk jemi takuar ende edhe pse dorëheqjen e kam marrë vetëm gojarisht nga Morina. “Kryesia duhet ta shqyrtojmë dorëheqjen sepse ende nuk i di arsyet “ tha Rashiti.

Arbnor Morina ndërkaq i kontaktuar nga rajonipress vetëm tha se dorëheqjen i`a ka ofruar kryetarit të Dritës, kurse për gjëra të tjera tha se do të prononcohet më vonë./rajonipress/