Drita eliminohet ndërsa Gjilani vazhdon në Kupën e Kosovës

Skuadra e Dritës nuk ka arritur të kualifikohet në rrethin e tretë të DigitAlb Kupës së Kosovës, ndërsa skuadra e Gjilanit ka arritur të kaloj këtë fazë pas fitores kundër Malishevës.

“Bardhekaltërit” eliminohen nga Ballkani i Suharekës pas ekzekutimit të penalltive me rezultat 5-4, pasiqe koha e rregullt e ndeshjes përfundon me rezultat 1-1.

Figura qendrore e kësaj përballje ishte portieri i Ballkanit, Flamur Gashi, i cili mbron penalltinë e Betim Haxhimusës.

Ndërsa Liridon Fetahaj ishte ai i fundit i cili mposht portierin Tofiloskin.
Në radhët e Dritës nuk ka shënuar edhe Emini, ndërsa tek Ballkani nuk shënon E.Krasniqi.

Ndërsa, Gjilani ka arritur ta mposht si mysafire Malishevën skuadër mjaft e fort e Ligës së Parë.
“Bardhekuqët” e Gjilanit me formacion të përgjysmuar kanë arritur pa ndonjë problem të kualifikohen në rrethin e tretë në Kupën e Kosovës.

Golashënues tek Gjilani ishin Kastrati, Greca e Dautaj.

Në rrethin e tretë të Digit Alb të Kupës së Kosovës janë kualifikuar këto skuadra:
Ballkani, Trepça, Dardana, Feronikeli, Gjilani, Vushtria, Prishtina, 2 Korriku, Dukagjini, Ferizaj, Arbëria, Ramiz Sadiku, Liria, Trepqa89, Drenica dhe A#N./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).