Drita e “shkatërron” Vllaznin e Pozheranit

Gjilan – Në javën e 6-të, të Superligës së Kosovës skuadra e Dritës si udhëtuese në stadiumin e qytetit në Gjilan ka demoluar skuadrën e Vëllaznisë së Pozheranit e cila ndeshjen e ka zhvilluar si vendëse më rezultat 0-4.

Për futbollistët e Vëllaznisë pjesa e dytë ishte fatale pasiqë futbollistët e Dritës nuk treguan aspak mëshirë për fqinjët e tyre nga Pozherani, gjatë 45 minutave të dytë në radhët e Dritës gjithçka funksionoi siç duhet.

Në pjesën e parë u tregua futboll tejet i dobët, ndërsa në disa momente futbollistët e Vëllaznisë ishin më të mirë se ata të Dritës, gjatë kësaj periudhe u krijuan dy gjysmë raste, Xhevdet Shabani i Dritës dhe Alban Rexhepi i Vëllaznis tentuan të rrezikojnë portat kundërshtare, por pa sukses.

Kaptin e veçantë ishte pjesa e dytë, Livoreka në minutën e 58-të, depërton por ndalet në mënyrë të palejuar dhe akordohet penallti, ndërsa i sigurt e ekzekuton Fidan Gërbeshi për të hap serinë e golave.

Dhjetë minuta më vonë sulmuesi i krahut, Përparim Livoreka, bukur harkon e me kokë edhe më bukur Xhevdet Shabani nga 7 metra tund rrjetën e portierit, Jasir Bajramit për 2-0.

Fundi i ndeshjes për futbollistët e Vëllaznisë ishte fatal, në minutën e 85-të, Xhevdet Shabani harkon mirë duke gjetur Kastriot Rexhën e ky i fundit nuk e patë vështirë të ngrit epërsinë në 3-0.

Agonia e musafirve vazhdon ndërsa këtë e shfrytëzojnë futbollistët e Dritës, një minutë më vonë në atë 86-të, Shabani edhe njëherë harkon nga 14 metra e Livoreka nga afërsia vulos këtë takim jo të barabartë.

Arbitri i kësaj ndeshje ishte Besfort Kosumi nga Fushë Kosova i cili me autoritet ndau drejtësinë e kësaj ndeshje.

Në ndeshjen e ardhshme futbollistët e Dritës në mesjavë zhvillojnë ndeshjen me rivalin e qytetit Gjilanin./rajonipress/