Futbollistët e Dritës në ballafaqim me skuadrën e Vushtrrisë treguan forcën e saj duke e mposhtur në çdo element gjatë 90 minutave.
Futbollistët e Dritës në fund të ndeshjes skuadrën mysafire e përcjellën me 5 gola të shënuar në portën e Manxhollit.
“Bardh e kaltërtit” e Dritës me gjysmë force arritën ta shpartallojnë mbrojtjen mysafire, ndërsa serinë e golave e hap në minutën e 20-të, Cardoso pasi më herët shërbehet mirë nga Krasniqi.
Në minutën e 39-të, pas tollovisë së krijuar Vinicius shënon në portën e tij për rezultatin 2-0.
Sulmuesi Betim Haxhimusa në minutën e 51-të, realizon nga afërsia i cili asistohet nga Albin Krasniqi 3-0.
Futbollisti më i mirë i ndeshjes së sotme Xhevdet Shabani pas një aksioni të mirë të krijuar nga ai, gjuan nga këndi harkon por topi merr kahje të çuditshme godet pingulen dhe gjen rrjetën kundërshtare 4-0.
Mysafirët golin e nderit e arrin në minutën e 81-të, nga pika e bardhë i pa gabuar ishte Matheus për të zbutur disfatën në 4-1.
Betim Haxhimusa edhe njëherë në këtë ndeshje shënon në minutën e 85-të për ta përfunduar me rezultat 5-1.
Trajneri i Dritës, Ardian Nuhiu pas ndeshjes ka deklaruar.
“Këtë ndeshje e fituam me meritë, duhet të kemi kujdes se nuk ka ndeshje të lehta kampionati është shumë i gjatë por këtë ndeshje e menaxhuam mjaft mirë dhe fituam tri pikë tejet të rëndësishme”.
Drita nga 8 javët e zhvilluara ka tubuar 17 pikë e cila i prin tabelës fal golaverazhit më të mirë, ndërsa në javën e IX do të jetë mysafire e Drenicës./rajonipress/
