Drita e pamëshirshme ndaj Feronikelit

Futbollistët e Dritës në stadiumin “Rexhep Rexhepi” në Drenas, kanë demoluar skuadrën e Feronikelit me rezultat 0-5.

Me këtë fitore Drita ka barazuar pikët me rivalin lokal Gjilanin duke ndarë pozitën e dytë me nga 52 pikë. Serin e golave në këtë përballje të pabarabartë e hapi në minutën e 15-të, Marko Simonovski i cili nga afërsia shënon për 0-1.

Dhjetë minuta më vonë në minutën e 25-të, Almir Kryeziu më goditje precize ngrit epërsinë në 0-2. Në minutën e 34-të, Hamdi Namani me mjeshtri ngrit epërsinë në 0-3 nga një sulm i mirë i organizuar.

Katër minuta më vonë, Marko Simonovski shënon golin e tij të dytë personal duke ngrit epërsinë në 0-4. Mesfushori Muharrem Jashari në minutën e 70-të, shënon gol mjaft të bukur, për rezultatin përfundimtar 0-5.

Trajneri i Dritës, Ardian Nuhiu, pas ndeshjes deklaroi. “Në këtë ndeshje skuadra ka pas një seriozitet të madh, kur respekton kundërshtarin – respekton edhe vetën. Rezultati na mundësoj që ti aktivizoj disa lojtar të rinjë të cilët janë pjesë e ekipës së parë.

Objektivi jonë në Superligë është që ndeshjet ti marrim një nga një, ndërsa fokusi ynë tani është ndeshja e kthimit në Kupën e Kosovës kundër Ramiz Sadikut”. Në javën e 29-të Drita është udhëtuese në Podujevë për tu takuar me Llapin./rajonipress/