Drita e pafat importon një pikë nga Gjakova

Gjilan – Futbollistët e Dritës javën e 10-të e zhvilluan në Gjakovë me Vllaznimin, duke ndarë pikët me rezultat 1-1.

Njeherit kjo ishte ndeshja e parë e trajnerit të Vllaznimit, Ismet Munishit ndaj Dritës pas largimit të tij nga kjo skuadër.

Leutrim Kryeziu ka mundur në minutën e 90-të, ta vulos fatin e kësaj ndeshje i vetmuar në portën e zbrazët gjuan jashtë portës së portierit Muhaxheri.

Futbollistët e Vllaznimit në epërsi kalojnë në minutën e 7-të, kur Bardhoku nga largësia gjuan furishëm ndërsa portieri Halimi nuk ishte i kujdesshëm dhe topi futet në rrjet.

Futbollistët e Dritës reagojnë shumë shpejt në minutën e 13-të, qendërmbrojtësi Ardian Limani me kokë barazon në 1-1, duke qenë njiherit edhe rezultati përfundimtar i kësaj ndeshje.

Vllaznimi ka mundur shumë lehtë të shënon në minutën e 40-të, Gashi i vetmuar gjuan drejt në duart e Halimit.

Me të filluar pjesë e dytë, Xhevdet Shabani gjuan mirë afër portës duke lëshuar rast ideal për shënim.

Mesfushori i Dritës, Endrit Krasniqi në minutën e 84-të, me një goditje shumë të bukur nga rreth 30 metra, godet shtyllën e Muhaxherit.

Arbitri i kësaj ndeshje Gramos Shala në pranin e 2500 shikuesve e udhëhoqi me autoritet ndeshjen.

Pas ndeshjes Milaim Zuzaku trajneri i Dritës i dëshpëruar deklaroi

“Ne duhet të fitojmë edhe jashtë fushës sonë, nuk jam i kënaqur me rezultat po krijojmë raste por nuk po shënojmë por neve na mbetet të përmirësohemi në ndeshjet e ardhshme”.

Tekniku i Vllaznimit Ismet Munishi theksoi: “Drita ka skuadër të mirë me individ të mirë, epilogu i ndeshjes për mua është real, jam i kënaqur me futbollistët e mijë në një ambient të mirë sportiv të cilët krijuan tifozët e Vllaznimit dhe “Intelektualët”, të cilët kam raporte shumë të mira”.

Në ndeshjen e ardhshme Drita takohet me Trepçën ’89 në Gjilan./rajonipress/