Drita e pafat barazon kundër Llapit

Futbollistët e Dritës në derbin e javës së V-të, shumë lehtë kanë mundur të kthehen me pikë të plota por në minutat shtesë futbollistët e Llapit barazojnë rezultatin.

Futbollistët e Llapit në sulmin e parë arrin të shënojnë golin e tyre, Kastriot Selmani në minutën e 5-të, arrinë lehtësisht ta mposht Tofiloskin e Dritës.

Në pjesën e dytë futbollistët e Dritës treguan lojë të bukur dhe në minutën e 50-të, Xhevdet Shabani harkon nga 25 metra e më së miri gjendet mbrojtësi Liridion Leci i cili i ndërron kahjen topit duke e dërguar topin në rrjetën e portierit Bledar Hajdinit.

Futbollisti brazilian Fortunato ka mundur shumë lehtë të shënon në minutat 66 e 68, së pari me kokë i papenguar gjuan mbi horizontale ndërsa dy minuta më vonë nga 22 metra i pa penguar gjuan afër shtyllës pingule.

Futbollisti Brazilian gabimet e tij i përmirëson në minutën e 86-të, së pari Cuculi i pason një top të thellë nga mesfusha me shpejtësi Fortunato hyn në zonë të rreptësisë dhe nga 13 metra e mposht Hajdinin e Llapit për të realizuar për 2-1.

Kur të gjithë shikuesit pritnin që skuadra e Dritës do të del fituese nga ky derbi në minutat shtesë Zabërgja gjuan nga 30 metra furishëm portjeri Tofiloski nuk e kap topin mirë i rrëshët nga dora e këtë pakujdesi e shfrytëzon Behar Maliqi duke barazuar rezultatin në 2-2.

Trajneri i Dritës, Ardian Nuhiu, pas ndeshjes ka deklaruar.
“Gjatë 90 minutave kishim më tepër nga loja, shënuam dy herë ndaj kundërshtarit të fort por nga një pakujdesi e jona futbollistët vendas arritën të shpëtojnë një pikë, është ky nji mësim për ne pasiqë kampionati po sa ka filluar dhe ka shumë ndeshje për tu zhvilluar”.

Në javën e VI-të, Drita do të jetë nikoqirë i Trepces’89./rajonipress/