Drita e mposht Drenicën, mbetet lider në tabelë

/ 1 minutë lexim
Eco Higjiena

Skuadra e Dritës në ndeshjen e xhiros së 27-të në Superligën e Kosovës në futboll ka mposhtur Drenicën me rezultat 3:0.

Pjesa e parë e takimit u mbyll me rezultat 0:0, ndërsa Drencia mbeti me një lojtarë më pak pasi Agim Zeka u ndëshkua me kartonin e kuq nga gjyqtari kryesorë i ndeshjes, Alban Shala, pasi Zeka dëmtoi në kokë futbollistin e Dritës, Blend Baftiun.

Drita në epërsi kaloi në minutën e 58-të. Pas harkimit nga këndi, Ajzeraj më si miri gjenë në zonë Vitijën i cili me kokë arrinë të shënoj golin e parë në ndeshje.

Uji Dea

Rezultatin për Dritën e dyfishoi, në minutën e 76-të, Blend Baftiu, i cili dërgoi topin në rrjetë pas asistimit të Muharrem Jasharit. Rezultatin përfundimtar 3-0 e vulosi Muharrem Jashari, pas një aksioni mes tij, Selmanit dhe Besnik Krasniqit.

Me këtë fitore Drita rikthehet lidere në tabelë me 55 pikë, ndërsa në ndeshjen e radhës takohet me Trepçën’89 në Gjilan.