“Drita” e Gjilanit shpallet Kampione e Kosovës në U – 16

Gjilan – Klubi i Basketbollit “Drita”, nga Gjilani është shpallur kampion i Kosovës në kategorinë U-16, ku në finale ka mposhtur ekipin KB “Penza” nga Peja, ndërsa në kategorinë U – 14 janë shpallur nënkampione.

Afrim Selimi nga KB “Drita” ka thënë se falë punës së bërë profesionalisht si dhe angazhimit maksimal të lojtareve, po ashtu dhe me disiplinën e treguar, si gjatë seancave stërvitore, po ashtu edhe gjatë zhvillimit të garave erdhi deri te ky sukses tejet me rëndësi për Klubin gjilanas “Drita”.

Selimi ka thënë se Klubi i basketbollit “Drita’ njihet si makineri e prodhimit të lojtareve superiore edhe pse kushtet në të cilat ky ekip i zhvillon stërvitjet dhe me të cilat garon, janë vërtetë minimale.

“Ne kemi probleme dhe vështirësi për të arritur deri tek rezultatet edhe pse ndihmë marrim vetëm nga komuna, e cila është vetëm sa për të mbetur gjallë, dhe herë pas here , hasim në disa ndihma të vogla nga disa adhurues të klubit, që janë vërtetë të rëndësishme, por janë të pamjaftueshme” tha Selimi./rajonipress/