Gjilan – Ardian Nuhiu largohet nga Drita. Klubi i Dritës dhe trajneri nga Shkupi, kanë vendosur të ndajnë rrugët.
Lajmi është zyrtarizuar në një konferencë të përbashkët për media, ku ishin të pranishëm drejtori sportiv, Feti Murseli, dhe trajneri Ardian Nuhiu.
Shkaku për ndërprerjen e këtij bashkëpunimi është bërë eliminimi i papritur i Dritës nga Kupa e Kosovës. “Arsyeja kryesore që ka ardhur deri te ndërprerja e bashkëpunimit është eliminimi nga Kupa e Kosovës”, ka thënë Murseli në konferencë për shtyp.
Nuhiu me Dritën në të gjitha garat ka zhvilluar 161 ndeshje, duke shënuar 89 fitore, 37 barazime e 35 humbje.
Trajneri Nuhiu kishte marr drejtimin e klubit në stinorin 2018/19, ndërsa e kishte fituar titullin e kampionit me Dritën në stinorin 2019/20./rajonipress/
