Drita dështon në gjysmëfinale, mposhtet nga Prishtina

Skuadra e Dritës është eliminuar në gjysmëfinale të Kupës së Kosovës, pasi ka pësuar humbje me rezultat 0:1 në ndeshjen e dytë kundër Prishtinës.

Takimi i parë i gjysmëfinales kishte përfunduar me rezultat 0:0, ndërsa edhe në takimin e dytë pas 90-të minutave të rregullta nuk pati gola.

Për tu përcaktuar finalisti nga ky takim, u deshtë që të zhvillohen dy herë nga 15-të minuta.

Në minutën e 111-të, mesfushorit Albert Dabiqaj shënon autogol, për të shuar shpresat e skuadrës së tij për finalen e madhe.

Prishtina në finale do të luajë kundër Ballkanit që të mërkurën e eliminoi Suharekën.