Drita deklason Feronikelin

Gjilan – Në stadiumin e qytetit në Gjilan, të cilin barin e kishte mbuluar “lloçi”, është zhvilluar ndeshja më interesante e rrethit të tret të DigitALB Kupës e Kosovës në futboll, në mes dy skuadrave më të mira në Superligën e Kosovës asaj të Dritës dhe Feronikelit nga Drenasi.

Në fushën e rënduar nga balta në 45 minutat e parë nuk u zhvillua ndonjë lojë e mirë, kryesisht aksionet e dy skuadrave përfundonin në gjysmë fushat e kundërshtarit.

Në pjesën e dytë futbollistët e Dritës u treguan skuadër mjaft e rrezikshme, në fillim të minutës 46-të, sulmuesi më i mirë tek “bardh e kaltërtit” e Dritës, Xhevdet Shabani, përfiton nga gabimi i Doshlakut i cili nga 7-8 metra gjen rrjetin e portjerit, Faton Malokut.

Futbollisti këmbëshpejtë, Astrit Fazliu, pas një dueli me Prekazin del fitues pason topin nga 18 metra gjen Kastriot Rexhën i cili nga
3-4 metra shënon për 2-0.

Aventurën e futbollistëve të Feronikelit që të bëjnë diçka më tepër i shuan rezervisti Leutrim Kryeziu, i cili zëvendësoi Xhevdet Shabanin dhe shënon, së pari Krasniqi gjuan nga 18 metra Maloku mbron por shkurtazi gjerë te Kryeziu i cili nuk e pati vështir të shënon për 3-0.

Pas ndeshjes trajneri i Dritës, Bekim Isufi, deklaroi:”Vështirë është ta parashikosh ndeshjen me një skuadër çfarë është Feronikeli, pjesa e parë ishte e barabartë, ndërsa në pjesën e dytë shpërthyem pas shënuam golin e parë, mendoj se kjo ndeshje ka qenë finale para finalës”.

Ndërsa homologu i Isufit, Zekirja Ramadani, theksoi.
“Duhet kuptuar se futbolli nuk luhet vetëm 45 minuta por 90 minuta, pjesa e parë ishte e barabartë, ndërsa në pjesën e dytë Drita ishte më e mirë, ne këtu mbyllim aventurën tonë për Kupë dhe më vjen keq për këtë”.

Ndeshjen e drejtoi arbitri nga Prishtina, Besfort Kosumi, ndërsa ndeshjen e përcollën rreth 1000 shikues./sylejman ismajli/rajonipress/