Drita deklason Drenicën

Gjilan – Hendbollistët e Dritës në kuadër të javës së 18-të në mënyrë triumfale kanë mposhtur skuadrën udhëtuese të Skenderajt Drenicën me rezultat 36-29.

Skuadra “bardh e kaltër” e Dritës edhe njëherë ka dëshmuar se me të drejt gjendet në pjesën e epërme të tabelës së klasifikimit të Superligës në hendboll.

Hendbollistët e Dritës me këtë fitore kanë përfunduar garat e rregullta ndërsa që nga java e ardhshme do t`i zhvillon garat në Pley Off me katër skuadrat më të mira të Kosovës me Besën, Kastriotin, e Trepçën.

Djelmoshat e Luan Sllamnikut e Valon Mehmetit të udhëhequr nga dy hendbollistët Rinor Selmani e Gëzim Misini i pari shënoi 10 -të gola ndërsa Misini 9-të gola.

Në disa momente hendbollistët e Dritës ishin aq superior gjatë ndeshjes, por të vetë kënaqur me rezultat bën që ndeshja të përmbyllet me 7-të gola epërsi,

Në ndeshjen e radhës në Pley Off hendbollistët e Dritës të mërkurën zhvillojnë ndeshjen me rëndësi të madhe në Ferizaj me Kastriotin./rajonipress/